Buýsançnama!
Toýlaryň ulusyn tutup, ýygnap dogan, ýakyn – ýadyn,
Ajaýyp bir şäher gurdy, artdyryp köňülleň şadyn,
Şöhratyňyz dünýä dolsun, Gahryman Arkadagymyz
Alkyş Size Arkadagly Gahryman Serdarymyz!
Etekläp Köpetdagymy, ýalkym saçýar giň jahana,
Kämil bir sungat eseri, zynatdyr gözel Ahala,
Egsilmez şöhratdyr-şandyr, Garaşsyz eziz Watana,
Çar tarapdan myhman gelsin, arşa ýaň salsyn adyňyz,
Kuwwat Size Arkadagly Gahryman Serdarymyz !
Taýsyz yhlas, päk zähmet bar, synlasaň her daban ýerin,
Ägirtleň adyn göterip, ylym öýler saçýar bilim,
Göýä jennetiň parçasy, çar tarapa kylsaň seýil,
Bagşy joşup sazyn çalsyn, toýlar buşlar her çagymyz,
Ýörelgäňiz dowam bolsun, Gahryman Arkadagymyz !
Kümüş suwlar ýyldyraşyp, gözel tansyny oýnaýar,
Zybandan şygyrlar joşup, kalplarda ylham gaýnaýar.
Dag deresi güller guçup, bagynda guşlar saýraýar,
Beýle bagt barmy eýsem, Eremden zyýat bagymyz.
Alkyş ýagsyn adyňyza Gahryman Arkadagymyz !
Dünýäde “ Akylly şäher ” Arkadag pähimli şäher,
Gül gujagy hoş owazly, howasy ýakymly şäher,
Dört möwsümi bahar ýazly, topragy asally şäher,
Ýollaryňyza güller ýagsyn, beýik ile derkarymyz,
Şöhrat Size, Arkadagly Gahryman Serdarymyz !
Bahar Aýdogdyýewa
Magtymguly adyndaky Türkmen döwlet uniwersitetiniň talyby
